记住网址:http://qiucaitiyu.com/ 从此看比赛不迷路

当前位置:球彩直播 / 新闻资讯

《寻回发展一片天 重露自信的笑容 - 苏马》

作者:网络  发表于:2021-11-16 09:37

《原创文章 欢迎转载 请列明出处 谢谢》

-请支持Bluexlion车迷手记 Facebook专页-

https://images2.minutemediacdn.com/image/fetch/w_2000,h_2000,c_fit/https%3A%2F%2Fgreenstreethammers.com%2Fwp-content%2Fuploads%2Fgetty-images%2F2017%2F07%2F1351878879.jpeg

苏马今季正式离开效力长达七年既切尔西转投同巿西汉姆联,喺莫耶斯手上逐步成为正选更喺近日对阵利物浦既赛事之中攻入一球为球队全取三分,经历职业生涯高低起跌伤患状态持续拉据,苏马似乎终于喺槌真帮终于寻回自己既状态高峰,对于车迷们黎讲亦感到安慰。

苏马係由摩连奴一手提拔出黎,哩名法国新星可以话喺果时既防线拥有泰利、伊云奴域同加利卡希尔底下填补缺少既速度同活力,睇落身形相当健硕既苏马唔好睇佢「大大份」,跑起上黎既速度喺后卫黎讲其实都算几快,而且对抗性亦都唔差,好多时啲一对一争顶都唔会输蚀,可以话完完全全係速度同力量既混合体,加上出脚刬波时机得宜唔会拖泥带水以及拥有良好既传球视野,能够準确地将个波通过长传运送到比前线队友,基本上无论喺攻或守两方面都相当出众平均,再加上有泰利哩个老大哥喺旁边,就算犯错都有人包底,令苏马做既决定可以更加大胆。

https://imgresizer.eurosport.com/unsafe/1200x0/filters:format(jpeg):focal(1999x734:2001x732)/origin-imgresizer.eurosport.com/2016/02/08/1791496-37827211-2560-1440.jpg

可惜时也命也,正当以为职业生涯平步青云既时候一次疏忽大意既落地动作,不单止重创左苏马既十字韧带,更可以话改写左佢既职业生涯,缺阵左接近一个球季既时间之后,切尔西将佢先后外借到史笃城及埃弗顿,除左希望佢能够重拾状态之外,更重要既係要喺稳定既上阵时间下继续适应英超既节奏,不过法国人所交出既质素都较为平庸,经已无左喺重伤之前既耀眼表现。

直到前一个球季林伯特上任后,苏马至正式得到留队机会,虽然球队喺战术配合之下防守未算称得上相当稳健,不过当时佢伙拍鲁迪加可以话係做到相当唔错既组合效果,但自杜曹上任后,喺回复三中坚体系下苏马既位置就变得相当鸡肋,杜曹偏向选用表现相对稳健既基斯甸臣或老将泰亚高施华,伙拍艾斯派古达以及鲁迪加,而法国人就被沦为最后选择,什至喺今季开季初段更比青训小将查路巴爬埋头。

由战术角度黎睇,苏马喺用波能力方面的确相当切合新一代主帅既口味,但如果用佢黎同基斯甸臣作直接比较的话,法国人喺集中力方面就相当之唔理想,总会喺一场九十分钟既赛事之中出现一次漏顶既情况,而形式上亦大同小异,一係跳顶时机唔岩,一係就企错位,而每次犯错后亦会造成危险镜头出现,亦总有一次会係失波而铸成大错,再加上苏马喺灵活性方面始终都不及基斯甸臣,而后者喺杜曹上任后亦加强左喺身体对抗下既自身力量,令苏马完全被比下去。

https://static.standard.co.uk/2021/09/21/09/newFile-3.jpg?width=968&auto=webp&quality=75&crop=968%3A645%2Csmart

由切尔西转投次一级既西汉姆联,莫耶斯亦延续神奇之旅为球队冲击英超上流位置,苏马无疑係一个好好既补充,更可以增强左己队喺角球攻势时既攻力,而正选席位亦助佢能够再次入选法国国家队。

祝愿苏马喺西汉姆联发展一切顺利,他日战场上再见...

文章发表时间 : 15/11/2021 11:30

文章最后更新时间 : 15/11/2021 11:30

《原创文章 欢迎转载 请列明出处 谢谢》

Bluexlion车迷手记 每週出文 用心写每篇文章 给我们一个Like作支持 : https://www.facebook.com/bluexlion/

少年游!谈那些高中弃学生与他们参与塑造的NBA:Kevin Garnett,新人上阵

1995年球季开幕战,明尼苏达森林狼开拔到萨克拉门托,客场迎战国王。球赛进行到第一节

2022-01-07 09:45

摩兰特再做主角 策「骑」灰熊6连胜

赞摩兰特于周二NBA率灰熊取得6连胜,在这场作客以110:106险胜骑士的比赛中,个人在关键时刻连续得分,令对手无法翻身。

2022-01-07 09:41

切尔西逼和利物浦 曼城英超独走依旧

(法新社伦敦2日电) 切尔西今天克服两球落后劣势,赶在上半场结束前扳平,终场2比2与利物浦言和,两队也都没能让积分追近暂居英超龙头的曼城。

2022-01-04 09:54

字母哥三双 公鹿轻取塘鹅

颜迪杜宫普在周六元旦日NBA常规赛取得大三元,带领公鹿以136:113轻取塘鹅,以完美姿态展开新一年。

2022-01-04 09:50

《NBA战术版》Cross Screen 是什么呢?这大概是最常见的掩护战术

延续上一个NBA战术版的系列,我们从Back Screen、Pin down介绍

2022-01-04 09:45